Rassía lög­reglu á Suður­lands­vegi

Samkvæmt upplýsingum frá lögreglu er verið að skoða ástand ökutækja, réttindi til aksturs og ásþyngd ökutækja. Sömuleiðis er verið að skoða hópferðaleyfi langferðabíla og sinna landamæraeftirliti. Þá sinnir Skatturinn eftirliti út frá sínum skyldum.

Jón S. Ólason, yfirlögregluþjónn á Vesturlandi, segir aðgerðirnar mikilvægar. Lögregla sé að fóta sig áfram í aðgerðunum sem hafi gengið vel. Samkvæmt hans upplýsingum hefur ekkert óvænt komið upp í aðgerðum lögreglu hingað til.

Tómas Arnar Þorláksson fréttamaður okkar ræðir við Jón hér að neðan.

Sigurður Már Sigþórsson vörubílstjóri er ekki sáttur við framkvæmd eftirlits lögreglu á Suðurlandsvegi og telur hana ekki lögum samkvæmt. 

Aðalbjörn Guðmundur Sverrisson vörubílstjóri tekur eftirliti lögreglu af stökustu ró. Hann fagnar eftirliti lögreglu svo framarlega sem það taki ekki of mikinn tíma.

Að neðan má sjá myndir sem Anton Brink ljósmyndari okkar tók á vettvangi á ellefta tímanum.