Kol­beinn nálgast topp fimm­tíu í heiminum

Bardaginn gegn Lehnis, sem fór fram í Nurnberg, var stöðvaður við upphaf sjöundu lotu þegar að Þjóðverjinn sá sér ekki fært að hefja lotuna eftir að hafa tekið við þungum höggum frá Kolbeini.

WBF heimsmeistarabeltið kom því heim til Íslands með Kolbeini en það er sjötta stærsta beltið í þungavigtarflokknum á heimsvísu og mikilvægt fyrir næstu skref Kolbeins á ferlinum.

Fyrir bardagann sat Kolbeinn í 79.sæti heimslistans í þungavigtarflokknum en nú er hann kominn upp í 62.sætið og færist óðum topp 50 listann.

Kolbeinn er áfram ósigraður á sínum atvinnumannaferli. Hann hefur nú unnið átján bardaga í röð.