Lífið

Ís­land í neðsta og næst­neðsta sæti hjá Ísraelum

Sólrún Dögg Jósefsdóttir skrifar
VÆB hafnaði í 25. sæti í Eurovision þetta árið. Ísland hafði þá ekki komist áfram á úrslitakvöld Eurovision síðan árið 2021. 
VÆB hafnaði í 25. sæti í Eurovision þetta árið. Ísland hafði þá ekki komist áfram á úrslitakvöld Eurovision síðan árið 2021.  Getty/Jens Büttner

Framlag Íslands hlaut fæst atkvæði í símakosningu Ísraela á úrslitakvöldi Eurovision í maí. Þá setti ísraelska dómnefndin VÆB-bræður í næstneðsta sæti. 

Á vefsíðu Eurovision má sjá samantekt um hve mörg stig hvert og eitt land hlaut í bæði símakosningu og frá dómnefndum. Þá kemur fram í hvaða sæti íslenska lagið hafnaði hjá hverri þjóð fyrir sig, bæði í símakosningum og frá dómnefndum.

Líkt og áður hefur komið fram hlutu VÆB bræður stig frá eftirfarandi löndum:

  • Tíu frá Danmörku
  • Sex frá Finnlandi
  • Fimm frá Svíþjóð
  • Fimm frá Eistlandi
  • Þrjú frá Noregi
  • Eitt frá Slóveníu
  • Eitt frá Króatíu
  • Eitt frá Þýskalandi
  • Eitt frá Austurríki

En í samantekt af stigagjöf landanna til Íslands, bæði í símakosningum og frá dómnefndum, kemur fram að Ísraelar gáfu Íslandi fæst stig. Dómnefndin setti VÆB-bræður næstaftast í röðina en Ísland fékk fæst atkvæði Ísraela í símakosningunum. 

Hér má sjá hvar dómnefndir hvers lands röðuðu íslenska framlaginu og hvar Ísland hafnaði í símakosningu hvers lands fyrir sig. Facebook/Eurovision Fans

Í samantektinni kemur einnig fram að litlu hafi munað að Ísland hefði nælt sér í stig úr símakosningum Ástrala, en íslenska lagið endaði í ellefta sæti í símakosningunni þar í landi.

Eurovision 2025 Eurovision Ísrael


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.