Erlent

Fækka í sendi­ráðinu í Bagdad vegna öryggisógnar

Gunnar Reynir Valþórsson skrifar
TIl stendur að fækka verulega í sendiráðsliðinu í Bagdad vegna ógnar frá Íran.
TIl stendur að fækka verulega í sendiráðsliðinu í Bagdad vegna ógnar frá Íran. AP Photo/Rod Lamkey, Jr.

Bandaríkjastjórn ætlar að flytja hluta starfsmanna sendiráðsins í Írak úr landi hið snarasta. Allir starfsmenn sem ekki eru taldir nauðsynlegir og fjölskyldur þeirra verða fluttir á brott en þetta mun vera gert af öryggisástæðum.

 Heimildir breska ríkiútvarpsins herma að ástæðan sé versnandi samband Bandarríkjastjórnar og ráðamanna í Íran, en samningaviðræður um kjarnorkuáætlun Írana munu hafa siglt í strand.

Sömu heimildamenn segja að talið sé líklegt að Ísraelar muni gera árásir á innviði í Íran á næstunni og því þurfi að forða Bandaríkjamönnum frá nærliggjandi svæðum, en Íran og Írak eru nágrannaríki, ef Íranir myndu láta árásir Ísraela bitna á Bandarískum þegnum.

Sérlegur erindreki Bandaríkjanna í viðræðunum við Íran, Steve Witkoff, stenfnir þó enn á að halda fund með Írönum næsta sunnudag, segir CBS sjónvarpsstöðin og því er staðan nokkuð óljós eins og er.

Bandaríkin Írak Íran Ísrael

Mest lesið


Fleiri fréttir

Sjá meira


×

Mest lesið