Erlent

Segir Íran hafa farið yfir strikið

Jón Ísak Ragnarsson skrifar
Israel Katz er varnarmálaráðherra Ísrael.
Israel Katz er varnarmálaráðherra Ísrael. EPA

Israel Katz, varnarmálaráðherra Ísraels, segir að írönsk yfirvöld hafi farið yfir „rauðu línuna“ með því að gera loftárásir á almenna borgara í Tel Aviv. Ríkisstjórn Írans muni gjalda þess dýrum dómi.

Á fimmta tug hafa særst í loftárásum Írans á Ísrael í kvöld og minnst ein eldflaug hæfði skotmark í miðbæ Tel Aviv.

Ísraelum er nú heimilað að yfirgefa loftvarnarbyrgi en þeim er ráðlagt að halda sig nærri þeim. Enn berast fregnir af sprengingum í Tel Aviv og Jerúsalem.

Árásirnar koma í kjölfar þess að Ísrael gerði loftárásir á Íran seint í gær, þar sem skotmörkin voru sögð tengjast kjarnorkuvopnaáætlun klerkastjórnar Írans.

Donald Trump Bandaríkjaforseti hefur sagt að klerkastjórnin í Íran verði að gera samkomulag um kjarnorkurannsóknir þeirra, áður en það verði of seint. Árásirnar á landið muni eingöngu verða umfangsmeiri.

Trump hefur greint frá því að hann hafi vitað af fyrirætlunum Ísraels um nokkurt skeið. Hann kvaðst hafa átt símtal við Netanyahu forsætisráðherra Ísrael á mánudaginn og fimmtudaginn, þar sem hann sagðist vona að diplómatísk lausn fyndist á kjarnorkumálum Írans.

Ísrael Íran

Tengdar fréttir

Íranir séu vikum eða mánuðum frá kjarnorkusprengju

Hernaðarsagnfræðingur segir árásir umfangsmiklar loftárásir Ísraela á Íran í nótt ekki koma sér á óvart. Allt bendi til þess að Íranir séu á barmi þess að koma sér upp sér kjarnorkusprengju og Ísraelar líti á það sem tilvistarógn.

Mest lesið


Fleiri fréttir

Sjá meira


×

Mest lesið