Frakkar syrgja fótboltagoðsögn

Lacombe spilaði sem framherji hjá Lyon, Saint-Étienne og Bordeaux en hann lék 38 ára landsleiki fyrir Frakka og skoraði í þeim tólf mörk.

Lacombe var í Evrópumeistaraliði Frakka sem tryggði sér titilinn á heimavelli sumarið 1984.

Lacombe lék einnig með Frökkum á HM í Argentínu 1978 þar sem hann skoraði fyrsta mark keppninnar eftir aðeins þrjátíu sekúndna leik í opnunarleiknum.

Lacombe varð þrisvar franskur meistari og þrisvar bikarmeistari. Hann skoraði 255 mörk í frönsku deildinni og aðeins Argentínumaðurinn Delio Onnis hefur skorað fleiri.

Lacombe var ráðgjafi forseta Lyon eftir að hann hætti en þjálfaði einnig lið Lyon um tíma eða frá 1996 til 2000.

Lacombe lést á sjúkrahúsi en hann hafði dvalið þar síðan í janúar.

Franska stórblaðið L'Équipe var með heilsíðumynd af Lacombe á forsíðu sinni í morgun eins og sjá má hér fyrir neðan.