Sjáðu Irmu bæta eigið Ís­lands­met í þrístökki

Þar er íslenska landsliðið á góðri leið með að tryggja sér þátttökurétt í 2.deild Evrópubikarsins.

Stökk Irmu sem gildir nú sem nýtt Íslandsmet var upp á 13,72 metra og er það bæting upp á ellefu sentímetra frá fyrra Íslandsmeti hennar í greininni. Fyrir daginn í dag hafði Irma best stokkið 13,31 metra í ár.

Irma lauk keppni í 2.sæti þrístökksins í dag eftir harða keppni frá Yekaterina Sariyeva frá Azerbaijan sem hafði að lokum betur og stökk lengst 13,87 metra sem er hennar besti tími á árinu.

Það sýndi sig í útsendingu frá mótinu hversu miklu máli það skipti Irmu að bæta eigið Íslandsmet, gleðin var ósvikin hjá henni er nýtt Íslandsmet var staðsett og fögnuðu kollegar hennar í íslenska landsliðinu henni ákaft úr stúkunni líkt og sjá má hér fyrir neðan: