Sérsveitin hand­tók vopnaðan mann í Sand­gerði

Þrír aðrir voru á vettvangi en þá sakaði ekki, að sögn lögreglu.

Mar­grét­ Krist­ín­ Páls­dótt­ir, settur lögreglustjóri á Suðurnesjum, segir í skriflegu svari til fréttastofu að lögreglan á Suðurnesjum hafi verið kölluð að húsi í Sandgerði skömmu eftir hádegi í dag, en þar hafi verið tilkynnt um mann í ójafnvægi og hann sagður vera með eggvopn. 

Í ljósi þess hafi lögreglan verið með talsverðan viðbúnað vegna málsins og notið aðstoðar sérsveitar ríkislögreglustjóra við aðgerðir á vettvangi. 

„Í fyrstu lét maðurinn sér ekki segjast, en hann var svo yfirbugaður eftir dágóða stund og færður á lögreglustöð. Þrír aðrir sem voru á vettvangi sakaði ekki. Lagt var hald á hníf á vettvangi, en ekki er vitað hvað manninum gekk til með þessari háttsemi,“ skrifar hún í svari við fyrirspurn fréttastofu.

Margrét vildi ekki tjá sig um málið umfram það sem kemur fram í skriflega svarinu. 

Fréttin hefur verið uppfærð.