Gerðu út­tekt á skrif­stofu Ríkis­sátta­semjara

Í svari við fyrirspurn Vísis vegna málsins segir að markmið úttektarinnar hafi verið að afla upplýsinga um vinnustaðamenningu, samskipti, vinnuumhverfi og stjórnun. 

„Niðurstöður úttektarinnar hafa nú borist ráðuneytinu en þær sýna meðal annars fram á mikla starfsánægju og góðan starfsanda hjá embættinu.“

Ráðist hafi verið í úttektina þar sem ríkissáttasemjari, Ástráður Haraldsson, og starfsfólk embættisins hefðu meðal annars komið á framfæri við ráðuneytið að álag væri mikið. Auk þess hafi legið fyrir að fámennt embætti þyrfti aðstoð við sín mannauðsmál. Attentus hafi framkvæmt úttektina, sem hafi farið þannig fram að tekin voru einstaklingsviðtöl hjá úttektaraðila.

Óhætt er að taka undir með ráðuneytinu að embætti ríkissáttasemjara sé fámennur vinnustaður. Þar starfa auk Ástráðar tveir sáttasemjarar og einn móttökustjóri.