Erlent

Ungar konur særðust í skot­á­rás í Nuuk

Rafn Ágúst Ragnarsson skrifar
Frá gamla bænum í Nuuk.
Frá gamla bænum í Nuuk. Getty

Tvær konur særðust í skotárás í Nuuk, höfuðborg Grænlands, í nótt. Lögregla hefur lítið tjáð sig um málið.

Lögreglan á Grænlandi greindi frá því í yfirlýsingu að þeim hafi borist tilkynning á þriðja tímanum í nótt um skothvelli í hverfinu Nuussuaq í Nuuk.

„Tvær ungar konur særðust og hlúð er að sárum þeirra,“ hefur grænlenski miðillinn Sermitsiaq eftir lögreglunni.

Fram kemur einnig í tilkynningunni að lögreglan hafi handtekið fimm manns í tengslum við málið. Vegum var einnig lokað í hverfinu í nótt á meðan vettvangurinn var rannsakaður.

Lögreglan segist ekki munu tjá sig frekar um málið að svo stöddu og því lítið sem liggur ljóst fyrir.

Grænland

Mest lesið


Fleiri fréttir

Sjá meira


×

Mest lesið