Lands­lið Ís­lands í golfi gerði það gott á EM

Fyrirkomulag mótsins er tveggja daga höggleikur og þriggja daga holukeppni. Leikinn er 36 holu höggleikur fyrstu tvo keppnisdagana. Efstu átta lið hans leika um Evrópumeistaratitilinn.

Fimm af sex bestu skorunum telja í höggleiknum og því mikilvægt fyrir alla að leika vel. Síðustu þrjá daga mótsins er útsláttarkeppni, þar sem leiknir eru tveir leikir í fjórmenning fyrir hádegi og fimm í tvímenning eftir hádegi. 

Lið sem eru ekki að leika til sigurs í mótinu leika einn fjórmenning og fjóra tvímennings leiki. Eins og Golfsamband Íslands greinir frá.

Mótið fór fram í Frakklandi en bæði lið Íslands léku í efstu deild. Sextán lið léku í karla deild og tuttugu lið kvennamegin.