Marcus Rashford neitar til­boði frá Sádí-Arabíu

Rashford er sagður vilja fara til Barcelona en hann er ekki í plönunum hjá Ruben Amorim, stjóra Manchester United.

Rashford var á láni hjá Aston Villa á liðnu tímabili en hann tók þátt í 17 leikjum með þeim og skoraði í þeim fjögur mörk og lagði upp sex.

Samningur Rashford við United virðist vera að flækja málin fyrir Barcelona. Hann er á 325 þúsund pundum á viku og samningurinn gildir til ársins 2028.

Barcelona hefur ekki bolmagn til þess að borga slík laun undir ströngu reglunum sem gilda um laun í spænsku úrvalsdeildinni.

Manchester United hefur sett 40 milljón punda verðmiða á Rashford og vill selja leikmanninn til þeirra sem geta borgað þá upphæð.