Evrópu­mót kvenna aldrei betur sótt en nú

Óhætt er að segja að þeir fjölmörgu áhorfendur sem lögðu leið sína til Sviss til að fylgjast með mótinu hafi fengið nóg fyrir peninginn. Mótið var í heild sinni frábær skemmtun og á flesta leikina komust færri að en vildu.

Alls var uppselt á 29 áf 31 leik á mótinu og yfir 34 þúsund manns voru á vellinum þegar England og Spánn áttust við í úrslitaleiknum í dag.

Fyrir úrslitaleikinn var þegar búið að bæta fyrra aðsóknarmet á Evrópumót kvenna, en í heildina seldist 657.291 miði. Áður höfðu mest selst 574.875 miðar á Evrópumótið á Englandi árið 2022 og því er um að ræða rúmlega 14 prósent aukningu.