Kærastinn kemur til varnar: „Allir glíma við sín vanda­mál“

„Þetta var bara leiðindamál, mér fannst hún ekki hafa átt að vera handtekin“ sagði Coleman eftir keppni í 200 metra spretthlaupi í gær.

Sha‘Carri var handtekin á flugvellinum í Seattle, Bandaríkjunum og haldið í gæsluvarðhaldi í nítján klukkutíma fyrir að beita Christian ofbeldi. Hún var hreinsuð af öllum ásökunum eftir að hann neitaði að leggja fram kæru.

„Fólk lendir í rifrildum, tilfinningar blossa upp, svona hlutir geta gerst. Er hún að glíma við vandamál sem hún þarf að vinna í? Auðvitað. Ég líka, þú líka, allir glíma við sín vandamál.

Ég er þannig að skapi gerður, ég fyrirgef, sýni virðingu og umhyggju. Ég reyni að stíga til baka, sjá heildarmyndina og skoða hvernig hægt er að vinna úr vandamálunum“ sagði Coleman einnig.