Hulda Clara leiðir með fimm höggum fyrir loka­daginn

Þetta forskot hefði hæglega getað verið meira en Hulda lék síðustu þrjár holurnar á skolla og er á pari eftir fyrstu þrjá dagana.

Guðrún Brá Björgvinsdóttir er í öðru sæti og heimakonan hefur verk að vinna ef hún ætlar að skáka Huldu Clöru á morgun. Bæði Hulda og Guðrún komu í hús á 76 höggum.

Perla Sól Sigurbrandsdóttir lék best allra í kvennaflokknum í dag og kom í hús á 72 höggum eða pari. Hún er aðeins höggi á eftir Guðrúnu Brá og gæti hæglega blandað sér í slaginn á morgun.

Heiðrún Anna Hlynsdóttir er svo í fjórða sæti á átta höggum yfir pari.