Svíar munu banna far­síma í grunn­skólum frá næsta hausti

Sænskir fjölmiðlar greina frá þessu en sænska ríkisstjórnin kynnti líkt og sú íslenska þingmálaskrá sína í dag.

Tillagan kemur frá Frjálslynda flokknum en aðrir stjórnarflokkar – það er Hægriflokkurinn, Kristilegir demókratar og stuðningsflokkurinn Svíþjóðardemókratar – styðja tillöguna. Breytingin mun fela í sér breytingar á skólalögum.

„Þetta snýst um að maður á að einbeita sér að stærðfræðinni og ekki sitja og „skrolla“ á TikTok. Í frímínútum á maður svo að geta notið þess að hanga með vinunum eða spila fótbolta,“ segir menntamálaráðherrann Simona Mohamsson.

Símabannið á að ná til grunnskóla í öllu landinu, en samkvæmt frumvarpinu eiga skólastjórar að geta tekið ákvarðanir um undanþágur.