Höfundur hinna erótísku Ruts­hire Chronic­les-bóka látinn

BBC greinir frá því að börn hennar, Felix og Emily, hafi staðfest andlát móðurinnar og að hún hafi látist í kjölfar byltu.

„Við erum svo stolt af öllu því sem hún áorkaði í lífi sínu og getum ekki byrjað að ímynda okkur lífið án smitandi bross og hláturs hennar,“ segir í yfirlýsingu frá börnum Cooper.

Felicity Blunt, umboðsmaður Cooper, segir að hennar verði óneitanlega helst minnst fyrir metsölubókanna The Rutshire Chronicles og sköpun aðalpersónu bókanna, Rupert Campbell-Black.

Fyrsta bókin í The Rutshire Chronicles var gefin út árið 1985 en sú síðasta árið 2023. Alls urðu bækurnar ellefu talsins.