Dag­skráin í dag: Blikar mæta Shakhtar

Golfið

Þeir árrisulu sem hafa fátt að gera á þessum fína fimmtudagsmorgni geta hlammað sér fyrir framan fjernsýnið og horft á golf. Abu Dhabi HSBC-mótið á DP-mótaröðinni í golfi sem hefst klukkan 7:00 á Sýn Sport 4.

Evrópuboltinn

Leikir í bæði Evrópudeildinni og Sambandsdeildinni eru á sínum stað. Íslendingalið eru í eldlínunni, þar á meðal Breiðablik.

Breiðablik mætir Shakhtar í Póllandi klukkan 17:45 og sá leikur í beinni á Sýn Sport Viaplay.

Hákon Arnar Haraldsson og félagar í Lille sækja Rauðu stjörnuna heim á sama tíma, klukkan 17:45 á Sýn Sport.

Albert Guðmundsson verður fjarverandi er Fiorentina mætir Mainz klukkan 17:45 á Sýn Sport 2.

Um kvöldið eru tveir leikir á dagskrá. Aston Villa mætir Maccabi Tel Aviv í umdeildum leik á Villa Park og hefst hann klukkan 20:00 á Sýn Sport.

Crystal Palace spilar við AZ Alkmaar frá Hollandi klukkan 20:00 á Sýn Sport 2.

Áhugavert verður að sjá hvort ævintýri Íslendingaliðs Brann í Evrópudeildinni heldur áfram en Brann mætir Bologna klukkan 20:00 á Sýn Sport Viaplay.

Bónus-deild karla

Að venju eru fjórir leikir á dagskrá á fimmtudagskvöldi í Bónus deild karla í körfubolta. Allir leikirnir eru klukkan 19:15. Stærsti leikurinn er á Álftanesi þar sem KR er í heimsókn á Sýn Sport Ísland 2.

Njarðvík og Stjarnan eigast við á Sýn Sport Ísland 3, leikur ÍA og Vals er á Sýn Sport Ísland 4, og Þór Þorlákshöfn og ÍR mætast á Sýn Sport Ísland 5.

Eindregið er þó mælt með því að fylgjast með öllum leikjunum samtímis í Skiptiborðinu í umsjón Harðar Unnsteinssonar á Sýn Sport Ísland klukkan 19:10.

Big Ben

Big Ben er á sínum stað á Sýn Sport í beinni klukkan 22:10 þar sem Gummi Ben og Hjálmar Örn taka á móti góðum gestum og gera íþróttavikuna upp.