Sigur­mark Glódísar olli sögu­legu tapi Arsenal

Sögulegur sigur í meira lagi og við hæfi að það hafi verið fyrirliðinn sjálfur, Glódís Perla Viggósdóttir, sem rak smiðshöggið á þennan sögulega 3-2 endurkomusigur Bayern Munchen sem lenti snemma leiks tveimur mörkum undir.

Sigurmark Glódísar í leik liðanna í deildarkeppni Meistaradeildarinnar kom á 86.mínútu. Kvöldið sérstakt í meira lagi fyrir Glódísi þar sem að hún var einnig að spila sinn fimmtugasta Meistaradeildarleik fyrir Bayern. 

Fyrir leik kvöldsins hafði kvennalið Arsenal aldrei, í þeim 128 Evrópuleikjum sem liðið hefur spilað, aldrei glutrað niður forystu og tapað leik eftir að hafa komist tveimur mörkum yfir samkvæmt tölfræðimola sem að UEFA setti fram á vefsíðu sinni.