Körfubolti

Meistararnir stungu af í seinni

Sindri Sverrisson skrifar
Orri Gunnarsson var öflugur í kvöld.
Orri Gunnarsson var öflugur í kvöld. Vísir/Diego

Eftir jafnan fyrri hálfleik áttu Íslandsmeistarar Stjörnunnar ekki í vandræðum með að leggja nýliða Ármanns að velli í kvöld, í Bónus-deild karla í körfubolta, 114-88.

Gestirnir úr Laugardal voru yfir í hálfleik, 63-61, en Stjarnan var svo fljót að stinga af í þriðja leikhluta sem liðið vann 30-12. Niðurstaðan varð svo 26 stiga sigur.

Ármann er því áfram eina liðið í deildinni sem enn er án sigurs en Stjarnan er nú komin með sex stig, eftir tvo sigra í röð.

Luka Gasic var stigahæstur Stjörnunnar í kvöld með 27 stig, Orri Gunnarsson var með 25 stig og Ægir Þór Steinarsson 22. Ægir gaf auk þess 11 stoðsendingar í leiknum.

Hjá Ármanni var Daniel Love langstigahæstur með 28 stig en Ármenningar voru án Bandaríkjamanns eftir að hafa látið Dibaji Walker fara. Hann hefur nú samið við ÍA.

Bónus-deild karla Stjarnan Ármann

Mest lesið


Fleiri fréttir

Sjá meira


×

Mest lesið