Fram fagnaði eftir flókna ferðaviku

Sigurinn var kærkominn fyrir Framara eftir erfiða ferðaviku en þeir ferðuðust til Kriens í Sviss í vikunni, með tilheyrandi millilendingum og dvöl á flugvöllum, til þess að spila í Evrópudeildinni á þriðjudag og áttu svo leikinn í Eyjum í kvöld.

Framarar virkuðu engu að síður ferskir og voru fimm mörkum yfir í hálfleik, 17-12, í kvöld og lönduðu að lokum sex marka sigri. 

Fram hefur því unnið fimm af fyrstu tíu leikjum sínum og er með 10 stig í 7. sæti, stigi á eftir ÍBV og FH.

Upplýsingar um markaskorara í kvöld liggja ekki fyrir en greinin verður uppfærð.