Íslenski boltinn

Stjarnan sækir mark­vörð í 3. deildina

Sindri Sverrisson skrifar
Darri Bergmann Gylfason er mættur í Garðabæinn.
Darri Bergmann Gylfason er mættur í Garðabæinn. Stjarnan

Hinn 24 ára gamli markvörður Darri Bergmann Gylfason er genginn í raðir Stjörnunnar. Hann gæti því farið frá því að spila í 3. deild síðustu ár í að spila í Evrópukeppni næsta sumar.

Darri kemur til með að veita Árna Snæ Ólafssyni samkeppni á næstu leiktíð. Árni hefur verið aðalmarkvörður Stjörnunnar síðustu þrjú tímabil og framlengdi samning sinn um eitt ár á dögunum.

Aron Dagur Birnuson var Árna til fulltingis á síðustu leiktíð en hefur verið lánaður til Lengjudeildarliðs Þróttar.

Darri er eins og fyrr segir 24 ára og hefur spilað með Augnabliki í 3. deildinni síðustu fjögur tímabil. Þar lék hann í sumar undir stjórn Hrannars Boga Jónssonar sem nú er orðinn aðstoðarþjálfari Stjörnunnar.

Darri skrifaði undir samning til þriggja ára við Stjörnuna.

Besta deild karla Stjarnan

Mest lesið


Fleiri fréttir

Sjá meira


×

Mest lesið