Fá­klæddir bar­þjónar þegar Regn­boginn opnaði í Bíó Para­dís

Í tilkynningu frá rekstraraðilum um málið segir að með nafngiftinni sé ætlunin að heiðra gamla kvikmyndahúsið  sem eldri kynslóðir á Íslandi muna vel eftir, og var opnað við Hverfisgötu á annan í jólum árið 1977.

Húsfyllir var á opnun kokteilabarsins og fjöldi góðra gesta naut þess að smakka fallega drykki og spjalla saman í innri sal Bíó Paradísar þar sem söguleg kvikmyndaplaköt þekja veggina.

Hönnuður þessa litríka bars er Sigga Maija, fatahönnuður en hún býr yfir fjölbreyttri starfsreynslu úr lista- og menningarlífinu. Það var stuð og stemning á föstudagskvöldinu í Bíó Paradís en sama kvöld fór fram partýsýning á jólahasarmyndinni Die Hard sem sló í gegn enn eitt árið.