Stuðnings­maður stendur heilu leikina eins og stytta

Michel Kuka Mboladinga hefur hlotið viðurnefnið „Lumumba“ en hann hefur mætt á alla þrjá leiki Austur-Kongó, klæddur í gul jakkaföt og með hönd á lofti, til að líkja eftir þjóðhetjunni.

Patrice Lumumba var fyrsti forsætisráðherra Lýðstjórnarlýðveldisins Kongó og leiðtogi sjálfstæðisbaráttunnar þar í landi en hann var myrtur árið 1961.

Michael stóð fyrst sem stytta á fyrsta leik Austur-Kongó gegn Benín, sem endaði með 1-0 sigri og alls 115 mínútna leik með uppbótartíma.

Enga þreytu virtist þó finna hjá Michael í næsta leik gegn Senegal sem endaði með 1-1 jafntefli og hann var aftur mættur, með höndina á lofti og staður sem steinn, í 3-0 sigri Austur-Kongó gegn Botswana í gærkvöldi.

Austur-Kongó komst þar með áfram í sextán liða úrslit þar sem liðið mun mæta Alsír.