Erlent

Trump í­hugar í­hlutun í Íran

Gunnar Reynir Valþórsson skrifar
Trump segir að mögulega verði þeir að grípa inn í áður en fundur með Íran fer fram.
Trump segir að mögulega verði þeir að grípa inn í áður en fundur með Íran fer fram. Getty/Joe Raedle

Bandaríkjamenn íhuga nú afskipti af ólgunni í Íran þar sem átökin á mili stjórnvalda og mótmælenda verða sífellt blóðugri.

Mótmælin hafa nú staðið í á þriðju viku og segja mannréttindasamtök að um 500 mótmælendur hafi verið drepnir og um fimmtíu lögreglu- eða hermenn. Heimildir Breska ríkisútvarpsins herma síðan að tala látinna gæti verið mun hærri.

Donald Trump Bandaríkjaforseti hefur þegar hótað því að grípa inn í með einhverjum hætti. Trump sagði í gær að ráðamenn í Íran hafi hringt í sig og beðið um samningfund. Forsetinn segir þó vel geta farið svo að Bandaríkjaher grípi inn í áður en til slíks fundar geti komið.

Írönsk stjórnvöld kalla mótmælendurna skemmdarvarga og hafa hvatt stuðningsmenn klerkastjórnarinnar til að mótmæla mótmælendunum í dag mánudag. Þá hefur ríkisstjórnin lýst yfir þriggja daga þjóðarsorg vegna þeirra her- og lögreglumanna sem fallið hafa í átökum síðustu daga gegn „Bandaríkjunum og Ísrael,“ eins og það er orðað, en klerkastjórnin kennir þeim um að kynda undir óánægjubálið í landinu.

Mótmælaalda í Íran Bandaríkin Íran Donald Trump

Tengdar fréttir

Bandaríkin og Ísrael verði skotmörk verði ráðist að Íran

Mohammad Bagher Qalibaf, forseti íranska þingsins hefur varað við því að bandarískir hermenn og Ísrael verði skotmörk ef Bandaríkin gera árás vegna mótmæla. Mótmæli gegn klerkastjórninni hafa nú staðið yfir víða í Íran í um tvær vikur. Í það minnsta 116 eru látnir og mikill fjöldi slasaður. Þúsundir hafa verið handtekin. 

Spítalar yfir­fullir af látnum mót­mæ­lendum

Starfsmenn á þremur spítölum í Íran segja að fjöldi slasaðra og látinna mótmælenda sem streyma til þeirra sé slíkur að ekki þeir hafi ekki undan og ekki gefist tími til að veita þeim lífsbjargandi aðhlynningu. Ekkert lát er á gríðarlegum mótmælum sem staðið hafa yfir í landinu vikum saman. Bandaríkjaforseti segir Bandaríkin reiðubúin að hjálpa.

Íranir mótmæltu við stjórnarráðið

Íranir sem eru búsettir á Íslandi komu saman í dag og mótmæltu við stjórnarráð Íslands. Mótmælin í Íran hafa staðið frá áramótum og stigmagnast dag frá degi. 

Mest lesið


Fleiri fréttir

Sjá meira


×

Mest lesið