Á­tján ára orðin næstfljótust í sögu Ís­lands

Christina Alba er aðeins 18 ára gömul en getur núna státað sig af því að vera næstfljótasta hlaupakona í sögu Íslands.

Aðeins Íslandsmethafinn Guðbjörg Jóna Bjarnadóttir hefur hlaupið 60 metra hlaup hraðar en Christina Alba sem hljóp um helgina á 7,44 sekúndum á Meistaramóti Íslands í flokki 15-22 ára.

Um er að ræða nýtt aldursflokkamet í hópi 18-19 ára og var Christina Alba aðeins 9/100 úr sekúndu frá Íslandsmeti Guðbjargar sem hún setti fyrir þremur árum, þá 22 ára gömul.

Christina Alba var 20 sekúndubrotum á undan ÍR-ingnum Eir Chang Hlésdóttur í mark og Júlía Mekkín Guðjónsdóttir úr ÍR hlaut svo brons á 8,03 sekúndum.

Christian Alba hafði best hlaupið á 7,60 sekúndum, á Aðventumóti Ármanns í desember, en náði með sinni gríðarmiklu bætingu um helgina að fara upp fyrir nokkrar hlaupakonur og í 2. sæti afrekslistans. Hún náði 1/100 úr sekúndu betri tíma en Tiana Ósk Whitworth sem er í 3. sæti.