Sú besta í heimi er ó­létt

Búist er við að fjórfaldi Ólympíumeistarinn taki sér frí frá keppni á keppnistímabilinu 2026, sem er sjaldgæft hvíldarár í alþjóðlegum frjálsum íþróttum þar sem hvorki hefðbundið heimsmeistaramót Alþjóðafrjálsíþróttasambandsins né Ólympíuleikar eru á dagskrá.

Hjónin gengu í hjónaband árið 2022 og þá bætti hún Levrone-nafninu við.

„Bjó til manneskju með uppáhaldsmanneskjunni minni,“ skrifaði McLaughlin-Levrone í myndatextann. „Ó, hvað við höfum beðið fyrir þér … og Drottinn hefur svarað!! Þú ert okkar mesta blessun og ert nú þegar svo ástkær/ástkært. Við bíðum spennt eftir að hitta þig! Flottir foreldrar í uppsiglingu,“ skrifaði McLaughlin-Levrone en Usa Today sagði frá.

Tímasetningin endurspeglar eðlilegt hlé á ferli hennar en fjarvera hennar er engu að síður mikil breyting fyrir frjálsar íþróttir kvenna.

McLaughlin-Levrone yfirgefur íþróttina eftir sögulegt keppnistímabil árið 2025 þar sem hún færði sig yfir í 400 metra hlaup og vann heimsmeistaratitilinn á 47,78 sekúndum, sem er næstbesti tími sem mælst hefur.

Hún er áfram heimsmethafi í 400 metra grindahlaupi og einn af yfirburðamestu íþróttamönnum sem sést hafa í greininni. Með fjarveru hennar breytist valdajafnvægið í báðum greinum samstundis.

Í 400 metra grindahlaupi beinist kastljósið að Femke Bol (þótt hún hafi tilkynnt áform um að keppa einnig í 800 metra hlaupi), ríkjandi heimsmeistara sem var ósigruð árið 2025 og náði þremur bestu tímum heims á síðasta keppnistímabili.

Í 400 metra hlaupi verður Marileidy Paulino, silfurverðlaunahafi á HM, sú sem snýr aftur með besta tímann, með Salwa Eid Naser fast á hæla hennar. Ár sem var rólegra á keppnisdagatalinu virðist nú galopið á hlaupabrautinni.