„Að gefnu til­efni vil ég í­treka að ég er ekki í af­neitun“

Gísli Reynisson, umræddur formaður, sagði ákvörðunina hafa verið tekna út frá fyrirliggjandi gögnum, læknisskýrslu sem sagði hana ekki hæfa til keppni.

Hólmfríður Dóra fór yfir sitt sjónarhorn á þessa skoðun formannsins en hún hafði áður rætt þessi vonbrigði í viðtali á Vísi.

„Eins og komið hefur fram verð ég því miður ekki meðal keppenda á Vetrarólympíuleikunum í Cortina í febrúar. Endurhæfing eftir brot í sköflungsbeini hefur gengið vonum framar og ég vil þakka öllum sem hjálpuðu mér að keyra í gegnum krefjandi endurhæfingu með tímapressu á bakinu,“ skrifaði Hólmfríður.

„Ákvörðun SKÍ olli mér verulegum vonbrigðum enda hélt ég af heilum hug að þau ætluðu að senda mig út og leyfa mér að láta á þetta reyna. Eins og ég sagði í viðtölum í gær þá ætla ég að virða þessa ákvörðun þrátt fyrir að vera ósammála.

Klárlega stærstu vonbrigði ferilsins og ég mun taka næstu daga/vikur í að ákveða næstu skref,“ skrifaði Hólmfríður.

Að lokum vil ég óska öllum í íslenska hópnum innilega góðs gengis, ég mun vera á staðnum og hvetja ykkur áfram,“ skrifaði Hólmfríður en bætti svo við:

„Að gefnu tilefni vil ég ítreka að ég er ekki í afneitun um alvarleika eigin meiðsla. Ef einhver tekur þeim alvarlega þá er það ég þar sem íþróttin er mitt lifibrauð en auðvitað reyndi ég allt til að komast aftur til keppni sem fyrst,“ skrifaði Hólmfríður.