Ísak Andri til Dan­merkur rétt fyrir lok gluggans

Frá þessu greina bæði danski miðillinn Tipsbladet og sænski miðillinn Expressen í dag og segja að málið verði klárað áður en glugginn í Danmörku lokast á miðnætti.

Ísak Andri gengur í raðir Viborg að láni frá Norrköping þar sem hann hefru verið frá árinu 2023, eftir að hafa verið seldur frá Stjörnunni.

Ísak Andri verður að láni fram á sumar en Viborg hefur svo kost á að festa kaup á honum að leiktíðinni í Danmörku lokinni.

Viborg er í 7. sæti af 12 liðum í dönsku úrvalsdeildinni, með 24 stig eftir 18 umferðir. Næsti leikur liðsins er á sunnudaginn gegn Silkeborg.

Ísak Andri lék 30 leiki fyrir Norrköping á síðustu leiktíð en liðið endaði á að falla óvænt niður í 1. deild og hefur síðan meðal annars misst miðjumanninn Arnór Ingva Traustason til KR og nú Ísak Andra til Viborg ef ekkert óvænt gerist.