Sport

Sjáðu Eir Chang setja Ís­lands­metið

Óskar Ófeigur Jónsson skrifar
Eir Chang Hlésdóttir sló met Silju Úlfarsdóttur í 200 metra hlaupi innanhúss í fyrra og bætti það síðan aftur um síðustu helgi.
Eir Chang Hlésdóttir sló met Silju Úlfarsdóttur í 200 metra hlaupi innanhúss í fyrra og bætti það síðan aftur um síðustu helgi. Vísir/Bjarni

Eir Chang Hlésdóttir sýndi að hún er í frábæru formi á Norðurlandameistaramótinu innanhúss sem fór fram í Karlstad í Svíþjóð um síðustu helgi.

Ísland tefldi fram sameiginlegu liði með Danmörku og stóðu íslensku keppendurnir sig mjög vel. Enginn þeirra stóð sig þó betur en Eir Chang í 200 metra hlaupinu en þar kom hún önnur í mark á glæsilegu nýju Íslandsmeti.

Eir kom í mark á 23,54 sekúndum, og bætti þar tæplega ársgamalt eigið met um fimmtán sekúndubrot.

Hún á einnig Íslandsmetið utanhúss sem hún setti á Evrópubikarnum í Maribor í júní í fyrra með því að hlaupa á 23,44 sekúndum.

Hér fyrir neðan má sjá þetta frábæra og sögulega hlaup hjá Eir.

Frjálsar íþróttir

Mest lesið


Fleiri fréttir

Sjá meira


×

Mest lesið