Fékk nóg og strunsaði út úr við­tali

Það var Simon Jordan, einn af umsjónarmönnum viðtalsins hjá talkSPORT sem reyndi ítrekað að spyrja Wilder út í Tyson Fury en kapparnir hafa í þrígang mæst í hnefaleikahringnum. Í fyrsta bardaganum endaði bardagi Fury og Wilder með jafntefli en seinni tveimur bardögunum lauk með sigri Fury.

Síðan þá hefur Wilder gefið Fury að sökum að hafa svindlað með margvíslegum hætti og óhætt er að segja að komandi bardagi hans við Chisora hafi fallið í skuggann á atburðarásinni sem átti sér stað í viðtalinu hjá talkSPORT. 

Eftir að Jordan hafði ítrekað reynt að spyrja Wilder út í Fury stóð Wilder upp og strunsaði í áttina að Jordan og stigu öryggisverðir í settinu inn í til að koma í veg fyrir mögulega stigmögnun aðstæðna. 

Wilder endaði á því að strunsa út úr stúdíóinu.