FH sækir sænskan miðvörð

Hinn þrítugi Tobias kemur til félagsins frá Sirius í sænsku úrvalsdeildinni þar sem hann hefur spilað undanfarin þrjú tímabil.

Þetta verður í fyrsta sinn sem hann spilar utan heimalandsins en áður hafði Tobias spilað fyrir Grebbestads IF, Varbergs BoIS og BK Hacken.

„Tobias er leikmaður sem við teljum að muni smellpassa inn í okkar hóp. Hann er með reynslu úr efstu deild í Svíþjóð, öruggur á boltanum, aggresívur og með leiðtogahæfileika. Hann veit til hvers er ætlast af honum hérna hjá okkur og er meira en tilbúinn í að taka að sér stórt hlutverk hérna í Kaplakrika“ sagði Davíð Þór Viðarsson, yfirmaður knattspyrnumála, í tilkynningu FH.