Trump um baulið á Vance á setningu ÓL: „Er það satt? Það kemur á ó­vart“

Þegar myndavélin fór á JD Vance stóð hann í stúkunni og veifaði litlum bandarískum fána fram og til baka með breitt bros á vör. Áhorfendur á San Siro voru ekki hrifnir af nærveru varaforsetans heldur bauluðu á Vance þegar hann birtist á stóra skjánum.

Donald Trump, forseti Bandaríkjanna, lét hægri hönd sína fara einsamall á Ólympíuleikana og hélt sig sjálfur heima í Bandaríkjunum.

„Það er ekki baulað á hann í þessu landi,“ sagði Donald Trump. Aftonbladet sagði frá.

Aðfaranótt laugardags var Trump um borð í Air Force One á leið heim til Flórída og var spurður út í baulið.

„Er það satt? Það kemur á óvart, því fólki líkar við hann,“ sagði forsetinn.

Trump segir að ekki hafi verið baulað á Vance á heimavelli og að sú staðreynd að hann sé erlendis sé ástæðan fyrir baulinu.

„Sanngirninnar vegna er hann þó í öðru landi. Það er ekki baulað á hann í þessu landi,“ sagði Trump.

Fyrir setningarathöfnina mótmæltu hundruð stúdenta því að Bandaríkin hefðu sent ICE-fulltrúa á Ólympíuleikana í Mílanó.

Einnig er sagt að baulað hafi verið á Ísrael á athöfninni, að því er fréttastofan TT greinir frá.