Jónas Már kjörinn odd­viti Sam­fylkingarinnar í Kópa­vogi

Valið stóð á milli Jónasar Más Torfasonar, lögfræðings, og Gunnari Gylfasyni, formanni Samfylkingarinnar.

Eydís Inga Valsdóttir var kjörin í annað sætið og í það þriðja Hákon Gunnarsson, sitjandi bæjarfulltrúi flokksins. Sólveig Skaftadóttir er á fjórða sæti listans.

Þórunn Sveinbjarnardóttir, forseti Alþingis, gaf öllum frambjóðendunum blóm og segir í ræðu að það þótti rétt að láta utanbæjarkonu veita verðlaunin. Alls voru sex frambjóðendur sem buðu fram krafta sína en einungis tveir í sæti oddvita.

1703 á kjörskrá en greidd á áttunda hundrað atkvæði. Árið 2022 voru greidd 314  atkvæði svo rúmlega tvöfalt fleiri greiddu atkvæði í ár.

„Ég þakka traustið hjartanlega,“ segir Jónas Már við fjölmenna hópinn sem er hér saman kominn á Króníkunni. Þá þakkar hann kjörstjórninni og þeim sem hafa lagt honum lið í þessum fyrstu pólitísku skrefum.

Fréttin hefur verið uppfærð.