„Reyni alltaf að gera það sem ég get til að hjálpa liðinu“

„Ég er bara spennt og ánægð að við náðum að klára verkefnið,“ sagði Keishana Washington, leikmaður Keflavíkur, eftir að liðið varð bikarmeistari VÍS í kvöld.

„Þetta var erfiður leikur gegn sterku liði og ég er ánægð að við náðum að berjast í gegnum leikinn. Stemningin var frábær og ég er þakklát að vera í þessu liði og það að hafa stuðningsmenn okkar hér til að styðja við bakið á okkur. Þetta vr frábært og mjög gaman.“

Keishana var valin MVP leiksins  sem er ekki furða enda lang stigahæst og með  45 í framlagi, hún sýndi þó hógværð í viðtali eftir leik þegar hún var spurð út í frammistöðu sína.

„Ég reyni alltaf að gera það sem ég get til að hjálpa liðinu, hvort sem það er að skora, gefa stoðsendingar eða berjast um fráköstin. Ég er bara ánægð með að það skilaði sér og hrós á liðsfélagana mína, þær gera mig betri á hverjum degi og ég er bara þakklát.“