Innlent

Leita enn að geranda í stungumáli

Silja Rún Sigurbjörnsdóttir og Bjarki Sigurðsson skrifa
Lögreglan leitar enn að meintum geranda. Myndin er úr safni.
Lögreglan leitar enn að meintum geranda. Myndin er úr safni. Vísir/Kolbeinn Tumi

Lögregla leitar enn að meintum geranda sem er grunaður um að hafa stungið annan á þrítugsaldri í nótt. Atvikið átti sér stað fyrir utan skemmtistað í miðbæ Reykjavíkur. Sérsveitin aðstoðar lögregluna við vinnslu málsins.

Þetta segir Logi Sigurjónsson, varðstjóri hjá lögreglunni á höfuðborgarsvæðinu.

„Þetta gerðist fyrir utan skemmtistað á tólfta tímanum í gærkvöldi og það er verið að leita að gerandanum í málinu,“ segir hann í samtali við fréttastofu.

„Það er verið að skoða myndbandsupptökur úr miðborginni og vinna eftir vísbendingum frá vitnum.“

Fórnarlambið, sem er á þrítugsaldri, var ekki talið lífshættulega slasað þegar það var flutt á sjúkrahús í gær. Ekki liggja fyrir upplýsingar um líðan þess í dag.

Sérsveitin, sem var kölluð út í kjölfar atviksins í nótt, aðstoðar við vinnslu málsins og leitina.

Lögreglumál Reykjavík

Mest lesið


Fleiri fréttir

Sjá meira


×

Mest lesið