Fótbolti

Stór­sér á Jóni Degi eftir fyrstu dagana í Brann

Aron Guðmundsson skrifar
Liðsfélagarnir Jón Dagur og Thore kynntust helst til of vel á æfingum með Brann á dögunum
Liðsfélagarnir Jón Dagur og Thore kynntust helst til of vel á æfingum með Brann á dögunum Mynd: Brann

Það hefur ekki verið neitt gefið eftir á æfingum hjá norska félaginu Brann, undir stjórn Freys Alexanderssonar, miðað við mynd sem félagið birti af íslenska landsliðsmanninum Jóni Degi Þorsteinssyni með stærðarinnar glóðurauga og samansaumaðan skurð. 

Jón Dagur gekk í raðir Brann á láni frá þýska félaginu Hertha Berlin út tímabilið fyrir um viku síðan en Brann er að undirbúa sig af krafti fyrir átökin í norsku úrvalsdeildinni sem og einvígi gegn ítalska liðinu Bologna í umspili fyrir sextán liða úrslit Evrópudeildarinnar. 

Fyrstu dagarnir virðast hafa verið viðburðaríkir en Brann hélt til Spánar í dag þar sem við taka æfingabúðir á Estepona og á mynd sem var tekin í flugstöðinni í Bergen má sjá Jón Dag og liðsfélaga hans Thore Pedersen með áverka. 

Þannig er mál með vexti að þeir skullu saman á æfingu með liðinu á dögunum en þó svo að það stórsjái á þeim eru þeir þó báðir klárir í að æfa í æfingarferðinni með liði sínu. 

Norski boltinn

Mest lesið


Fleiri fréttir

Sjá meira


×

Mest lesið