Viðskipti innlent

Loka Duck & Rose á sunnu­daginn

Lovísa Arnardóttir skrifar
Duck & Rose opnaði árið 2020 þar sem Café París hafði áður verið rekinn um árabil.
Duck & Rose opnaði árið 2020 þar sem Café París hafði áður verið rekinn um árabil. Vísir/Vilhelm

Veitingastaðurinn Duck & Rose mun ljúka starfsemi næsta sunnudag. Í stað hans verður opnaður staðurinn Gamla Reykjavík. Sömu rekstraraðilar standa að breytingunni. Í tilkynningu segir að um sé að ræða stefnubreytingu.

„Gamla Reykjavík verður hlýr og karakterríkur samkomustaður í anda gamla miðbæjarins, þar sem lögð verður áhersla á góða menningu, vandaðan íslenskan mat og drykki sem njóta sín með matnum,“ segir í tilkynningu.

Þar kemur einnig fram að á matseðli verði hefðbundnir íslenskir réttir og smáréttir sem henta vel með drykkjum.

Gamla Reykjavík opnar föstudaginn 27. febrúar á sama stað og Duck & Rose hefur starfað.

Veitingastaðir Reykjavík


Mest lesið


Fleiri fréttir

Sjá meira


×

Mest lesið