Segir Trump setja ó­sann­gjarnan þrýsting á Úkraínu

Trump hefur tvívegis síðustu daga sagt að það sé undir Úkraínumönnum komið hvort friðarviðræður sem nú fara fram í Genf í Sviss muni skila árangri. Selenskí segir að með ummælunum sé Bandaríkjaforseti að setja þrýsting á Úkraínu sem hún eigi ekki skilið.

Hann bættir því við í viðtali við Axios að slík ummæli séu ekki sanngjörn og öllum hugmyndum sem feli í sér að Úkraínumenn gefi eftir land sem þeir ráði yfir í dag, verði umsvifalaust hafnað. Rússar fara fram á að fá fullt tilkall til Donbass héraðanna, en í dag ráða þeir aðeins yfir hluta þess landsvæðis.