Elvar Már: „Þetta eru því­líkir naglar“

Elvar var spurður að því hvernig væri hægt að útskýra þennan

„Ég veit það ekki,“ sagði Elvar og tók smá pásu áður en hann gat safnað hugsunum sínum saman.

„Þetta var bara allt öðruvísi leikur en ég hef verið að spila með mínu félagsliði í vetur. Bara allt annað hlutverk. Bara að vera frjáls og að fá að láta vaða bara. Svo að sjá að við kláruðum í lokin. Það var æðislegt.“

Hvað gerðist í lokaleikhlutanum? Litháen er níunda besta lið í heiminum og Ísland var 21 stigi undir í þriðja leikhluta á móti þeim.

„Það eru bara menn hérna sem stíga upp. Þórir, Hilmar, Styrmir og Óli Óla. Þetta eru þvílíkir naglar. Þeir koma inn og breyta leiknum fyrir okkur. Þetta eru strákar sem eru ekki búnir að vera í stóru hlutverki í þessu liði undanfarið en koma inn og eru geggjaðir. Svo sá ég bara þegar þetta voru sex stig að þetta var séns. Við þurftum bara að láta vaða og við gerðum það. Við uppskárum sigur.“

En hvað segir þetta þá um okkar lið? Það vantar stóra pósta eins og Hauk Helga og Martin en liðið nær í þennan sigur.

„Körfuboltinn er greinilega að vaxa og við eigum meiri dýpt í liðinu en við áttuðum okkur á. Það eru fleiri strákar sem geta stigið upp og það er frábært merki fyrir íslenskan körfubolta. Nú verðum við bara að læra að tengja saman tvo góða leiki. Það klikkaði í síðasta glugga en við verðum að gera eitthvað öðruvísi.“

Og það er hægt?

„Það er hægt. Við verðum að ná okkur niður á jörðina, hvíla okkur vel og mæta klárir í næsta leik.“