Fyrsti sigur Ís­lands á Litháen í 34 ár

Ísland vann 111-104 sigur á Litáen í Laugardalshöllinni 23. janúar 1992 eftir að staðan var jöfn í hálfleik, 47-47. 

Þessi sigur og sigurinn í kvöld eru einu skiptin sem Ísland hefur unnið þessa miklu körfuboltaþjóð. Litháar voru búnir að vinna níu síðustu landsleiki þjóðanna.

Magnús Helgi Matthíasson og Teitur Örlygsson voru stighæstir hjá íslenska landsliðinu í þessum sigri fyrir rúmum þremur áratugum með 24 stig hvor en Guðmundur Bragason skoraði 23 stig.

Leikstjórnendurnir Jón Kr. Gíslason (12 stig) og Tómas Holton (10 stig) komu svo næstir.

Þrír feður leikmanna íslenska landsliðsins í kvöld tóku þátt í þessum leik en það voru fyrrnefndur Guðmundur, faðir Jóns Axels, Henning Hennings, faðir Hilmars Smára, og Jón Arnar Ingvarsson Ingvarsson faðir Kára.