Búin að þríbæta þrjá­tíu ára met Guð­rúnar

Þann 13. febrúar sló Júlía metið fyrst þegar þessi eldfljóta Blikastelpa hljóp á 8,25 sekúndum og bætti metið um 6/100 úr sekúndu.

Júlía hélt svo áfram að bæta metið á meistaramóti Ameríkuriðils bandarísku háskólanna, í Birmingham í Alabama um helgina.

Hún hljóp á 8,22 sekúndum í undanrásum á föstudaginn og bætti svo um betur í gær þegar hún hljóp til sigurs á 8,18 sekúndum. Hlaupið má sjá hér að neðan með því að fletta Instagram-færslunni.

Auk þess að slá Íslandsmetið ítrekað hefur Júlía einnig verið að slá skólamet Rice-háskólans í Houston í Texas, þar sem hún æfir og stundar nám.