Dag­skráin í dag: Enski bikarinn og risa leikir í Bónus deildinni

Enski bikarinn

Klukkan korter yfir tólf hefst bein útsending frá leik Mansfield og Arsenal í 16-liða úrslitum enska bikarsins í fótbolta. Leikurinn er sýndur á Sýn Sport Viaplay. 

Veislan í enska bikarnum heldur svo áfram á Sýn Sport Viaplay klukkan korter í sex þegar að Hollywood lið Wrexham tekur á móti Chelsea. 

Klukkan átta, á sömu rás, verður síðan sýnt beint frá stórslag Newcastle United og Manchester City.

Bónus deild karla 

Þá heldur spennan áfram í Bónus deild karla í körfubolta. Tveir leikir eru á dagskrá deildarinnar í kvöld.

Í Síkinu á Sauðárkróki taka heimamenn í liði Tindastóls á móti toppliði Grindavíkur. Leikurinn hefst klukkan sjö og verður sýndur í beinni útsendingu á Sýn Sport Ísland 2.

Klukkan korter yfir sjö hefst síðan Reykjavíkurslagur Vals og KR. Sá leikur er sýndur á Sýn Sport Ísland.

Að loknum leikjunum tveimur tekur Bónus körfuboltakvöld við þar sem allir leikir umferðarinnar verða krufðir til mergjar.