Jón Axel með lykilkörfu undir lokin í sigri á Tryggva

Þarna voru tveir lykilmenn í íslenska landsliðinu að mætast í bestu körfuboltadeild Evrópu og úr varð frábær leikur.

San Pablo Burgos vann leikinn á endanum með átta stigum, 96-88, eftir að hafa unnið fjórða leikhlutann með tuttugu stigum eða 33-13.

Jón Axel kom Burgos meðal annars í 93-88 með góðri körfu á lokasekúndum leiksins. Jón endaði leikinn með 7 stig, 3 fráköst og 2 stoðsendingar.

Tryggvi Snær Hlinason var með 9 stig og 4 fráköst hjá Bilbao.

San Pablo Burgos er í 17. sæti með tíu stig en liðið ætlar að bíta frá sér í lokin og þetta var annar sigurinn í síðustu þremur deildarleikjum.

Bilbo er í níunda sæti en annað tapið í síðustu þremur leikjum þýðir að liðið situr nú utan úrslitakeppninnar.