Ýmir og fé­lagar með tvo sigra í röð í fyrsta sinn í fjóra mánuði

Göppingen vann leikinn 26-23 eftir að hafa verið þremur mörkum yfir í hálfleik, 16-13.

Ýmir nýtti eina skotið sitt í leiknum og gaf einnig eina stoðsendingu á félaga sinn.

Það gekk mjög illa hjá Göppingen frá nóvember fram í mars þegar liðið lék tíu deildarleiki í röð án sigurs.

Þetta var aftur á móti annar sigur liðsins í röð eftir sex marka sigur á Hannover Burgdorf í byrjun mars. Þetta er því í fyrsta sinn síðan í nóvember sem liðið vinnur tvo leiki í röð.

Göppingen komst upp í tíunda sætið með þessum sigri en Eisenach hafði náð liðinu að stigum með sigri í kvöld.