Innlent

Þarf að greiða þriggja milljóna máls­kostnað parsins

Birgir Olgeirsson skrifar
Ómar Valdimarsson, lögmaður, hafði farið fram á ógildingu úrskurðar úrskurðarnefndar lögmanna en féll frá málinu. 
Ómar Valdimarsson, lögmaður, hafði farið fram á ógildingu úrskurðar úrskurðarnefndar lögmanna en féll frá málinu.  Vísir/Vilhelm

Ómari Valdimarssyni lögmanni hefur verið gert að greiða pari tæpar þrjár milljónir króna í málskostnað vegna máls sem Ómar hafði höfðað gegn parinu en felldi það síðan niður áður en það kom til aðalmeðferðar.

Málið sem Ómar höfðaði var til ógildingar á úrskurði úrskurðarnefndar lögmanna. Nefndin hafði áminnt Ómar fyrir margvísleg brot á siðareglum lögmanna í tengslum ungs pars sem leitaði til hans vegna innheimtu flugbóta.

Héraðsdómur Reykjavíkur benti á að samkvæmt lögum skuli sá sem höfðar mál greiða stefnda málskostnað ef mál er fellt niður. Þannig hafi þetta mál farið og því beri Ómari að greiða parinu málskostnað.

Var litið til tímaskráningar lögmanns parsins og nam þá málskostnaður tæpum þremur milljónum króna.

Dómsmál

Mest lesið


Fleiri fréttir

Sjá meira


×

Mest lesið