Þau skipa lista Sjálf­stæðis­manna í Múla­þingi

Í tilkynningu segir að í prófkjöri sem fram fór þann 28. febrúar síðastliðinn var kosið í fjögur efstu sæti listans og á fundinum í gær hafi kjörnefnd lagt fram tillögu að skipun listans að öðru leyti. Tillagan var samþykkt samhljóða.

Haft er eftir Hilmari Gunnlaugssyni, formanni kjörnefndar, að það væri einkar gleðilegt hve margir hafi verið tilbúnir til að taka þátt í starfi framboðsins.

„Okkur í kjörnefndinni leið eins og þjálfara í toppliði í fótbolta, við hefðum getað stillt upp tveimur gríðarlega sterkum listum, slíkt var mannvalið,“ segir Hilmar.

Þá er haft eftir Berglindi Hörpu oddvita að þetta sé frábær listi, ótrúlega sterkur þar sem tekist hafi að blanda vel saman gríðarlegri reynslu og ferskleika. „Ég get eiginlega ekki lýst því hve stolt ég er að leiða þennan lista. Þetta er fólk sem getur af styrk, dugnaði og elju tryggt farsæla framþróun hjá sveitarfélaginu Múlaþingi.“

Listinn er þannig skipaður:

1. Berglind Harpa Svavarsdóttir, hjúkrunarfræðingur, varaþingmaður og formaður byggðaráðs Múlaþings og SSA.
2. Þórhildur Katrín Stefánsdóttir Lögfræðingur, varaformaður Landssambands hestamannafélaga
3. Ívar Karl Hafliðason, framkvæmdastjóri, sveitarstjórnarfulltrúi, stjórnarformaður HEF
4. Einar Freyr Guðmundsson, laganemi, varamaður í sveitarstjórn
5. Oddný Björk Daníelsdóttir, rekstrarstjóri, formaður sjálfstæðisfélagsins Skjöldur, Seyðisfirði
6. Herdís Magna Gunnarsdóttir, bóndi, varaformaður Bændasamtaka Íslands, formaður Auðar, sjálfstæðiskvennafélags Austurlands
7. Þórir Stefánsson, tæknimaður í uppvaski veitingahúss
8. Þórhallur Borgarsson, vaktstjóri hjá ISAVIA á Egilsstaðaflugvelli. Varaformaður umhverfis- og framkvæmdaráðs Múlaþings
9. Ólafur Arnar Hallgrímsson, trillukarl, í heimastjórn Borgarfjarðar eystri
10. Gabríel Arnarsson, atvinnurekandi og frumkvöðull
11. Björgvin Stefán Pétursson, viðskiptastjóri, stjórnarformaður Nýsköpunarsjóðs Námsmanna
12. Guðný Lára Guðrúnardóttir, sveitarstjórnarfulltrúi og ljósmyndari
13. Matej Karlovic, verslunarstarfsmaður og körfuboltahetja
14. Guðný Margrét Hjaltadóttir, viðskiptafræðingur, skrifstofustjóri
15. Grímur Orri Sölvason, skipstjóri hjá Kaldvík laxeldi
16. Unnur Ólöf Tómasdóttir, iðjuþjálfunarnemi
17. Sylvía Ösp Jónsdóttir, leikskólastarfsmaður með B.ed gráðu í leikskólakennarafræðum
18. Skarphéðinn Smári Þórhallsson, landfræðingur, formaður knattspyrnudeildar Hattar
19. Sigurður Gunnarsson, viðskiptafræðingur, formaður fjölskylduráðs Múlaþings
20. Sunna Dögg Markvad Guðjónsdóttir, bókari
21. Jóhann Hjaltason, bifvélavirki, formaður Sjálfstæðisfélags Djúpavogs
22. Ágústa Björnsdóttir, stjórnarmaður í HEF veitum