Handbolti

Bikarinn brotnaði við lyftingu

Ágúst Orri Arnarson skrifar
Bikarinn hrundi bara í sundur. 
Bikarinn hrundi bara í sundur.  vísir / vilhelm

Verðlaunabikarinn sem HK fékk fyrir að vinna Grill 66 deildina í handbolta lifðu ekki löngu lífi. Bikarinn rétt náði að fara á loft áður en hann mölbrotnaði.

HK tryggði sér toppsætið í Grill 66 deildinni og sæti í Olís deildinni í handbolta með sigri í úrslitaleik gegn Fjölni í gærkvöldi.

Heimakonur í Kórnum í Kópavogi fengu síðan gullhúðaðan bikar afhentan fyrir afrekið.

Sá bikar hefur augljóslega ekki verið úr skíragulli, og líklega ekki úr neinu nema ódýru plasti.

Valgerður Ýr Þorsteinsdóttir og Þórhildur Braga Þórðardóttir fengu það hlutverk að lyfta bikarnum en enduðu á því að fá hann næstum því í andlitið. Þær stóðu síðan eftir með sitt hvoran partinn, efri og neðri helminginn, af bikarnum og undirstaðan lá í gólfinu.

Bikarinn í heilu lagi á leiðinni upp í loft. vísir / vilhelm
Bikarinn brotnaði í fyrstu lyftu. vísir / vilhelm
vísir / vilhelm
Allt í rugli.vísir / vilhelm
vísir / vilhelm
Björgunaraðgerðir gengu illa. vísir / vilhelm
Olís-deild kvenna HK

Mest lesið


Fleiri fréttir

Sjá meira


×

Mest lesið