Sport

Íþróttakona dæmd í tíu ára bann

Óskar Ófeigur Jónsson skrifar
Jackline Sakilu var keyrð í burtu í hjólastól eftir að hún endaði í síðasta sæti í marþonhlaupi á Samveldisleikunum í Birmingham árið 2022.
Jackline Sakilu var keyrð í burtu í hjólastól eftir að hún endaði í síðasta sæti í marþonhlaupi á Samveldisleikunum í Birmingham árið 2022. Getty/Tim Clayton

Jackline Sakilu frá Tansaníu hefur verið bannað að taka þátt í öllum íþróttagreinum í heil tíu ár vegna lyfjamisnotkunar.

Íþróttastofnunin telur upp fjölda gerða testósteróns sem fundust í lyfjaprófum þessarar 39 ára gamallar konu. Allur árangur hennar frá 29. júní 2024 verður jafnframt gerður ógildur.

Sakilu er langhlaupari sem hefur hlaupið tíu kílómetra, hálfmaraþon og maraþon.

Ástæðan fyrir því að refsingin var svo hörð er sú að snefilmagn af testósteróni fannst í fjórum mismunandi sýnum yfir langt tímabil.

Fyrsta jákvæða sýnið var tekið heilu ári fyrir það næsta og þess vegna er talið að lyfjamisnotkun hennar séu í raun tveir aðskildir fjögurra ára dómar sem hún verður að afplána.

Sakilu gat heldur ekki sannað að hún hefði ekki gert þetta af ásettu ráði og því var tveggja ára dómi bætt við.

Hin 39 ára gamla svaraði ekki formlegu ákærunni innan tilskilins frests, sem samkvæmt reglunum þýðir að hún telst hafa játað brotin og sætt sig við tíu ára dóm.




Fleiri fréttir

Sjá meira


×