Handbolti

Óðinn var full­kominn í flottum sigri

Óskar Ófeigur Jónsson skrifar
Óðinn Þór Ríkharðsson var í mikli stuði í kvöld.
Óðinn Þór Ríkharðsson var í mikli stuði í kvöld. Getty/Sanjin Strukic

Íslenski landsliðshornamaðurinn Óðinn Þór Ríkharðsson fór á kostum með Kadetten Schaffhausen í svissneska handboltanum í kvöld.

Kadetten vann sex marka útisigur á Bern, 30-24, eftir að hafa verið sjö mörkum yfir í hálfleik, 15-8.

Óðinn Þór átti stórleik en hann nýtti öll tólf skotin sín í leiknum. Óðinn skoraði sjö af þessum mörkum úr vítum en hann var langmarkahæstur í sínu liði.

Þetta er í sjötta sinn sem hann skorar tíu mörk eða meira í svissnesku deildinni í vetur.

Kadetten er búið að tryggja sér deildarmeistaratitilinn fyrir nokkru en þetta var næstsíðasta umferðin.

Sviss Handbolti

Mest lesið


Fleiri fréttir

Sjá meira


×

Mest lesið